Ikinngutit ikioruk

Qanimut ikinngutigisat oqaloqatigiuk. Tamanna iluaqutaalluarsinnaasarpoq, ingammik ajortumeerneqartarsimasoq pineqarpat. Kisiannili siumut oqaatigiuminaattarpoq qanoq qisuariartoqarnissaa.

Makkuninnga siunnersuuteqarsinnaavugut

  • Ikinngutit marluinnaatillusi oqaloqatigiuk, allat tusaannginneranni.
  • Apeqqutit ammasumik akineqarsinnaasut apeqqutigikkit, soorlu ”qanoq tassunga aappaqarnerit ingerlanersoq...?"
  • Tusarniaqqaaruk ikinngutit qanoq oqarnersoq.
  • Oqaluttuariuk sooq ernumassuteqarnerlutit. Oqaasissatit takussutissatit toqqammavigalugit toqqaannartumik oqaatigikkit.
  • Arlaatigut ikinngutit qanoq ikiorniarsinnaanerlugu paasissutissanik neqeroorfigiuk.
  • Qanoq ukioqarnersi apeqqutaatillugu soorlu 14-it 20-illu akornanni ukioqarnerlusi, kikkut oqaluussinnaanerai siunnersuuteqarfigisinnaavat. Perorsaasuusinnaavoq, ilinniartitsisoq imaluunniit inersimasoq alla kammalaaterpit tatigisaa.
  • Imaassinnaavormi ilissi nammineerlusi ikiortissarsinngikkussi aaqqiissutissat nassaarisinnaanngikkisi.
  • Ikinnguterpit misiassutigippagu arlaatigut ajornartorsiuteqarnerluni, tamanna ilinnut aliasuutissaananilu kimigiississutissanngilaq. Kingusinnerusukkut oqaloqatigerusussinnaallugu neqeroorfigiinnaruk.
  • Ikinngutit neqeroorfigiuk Meeqqanut Inuusuttuaqqanullu attaveqarfik 134 sianerfigisinnaagaa.

Imaasiussanngilatit:

  • Ikinnguterpit pissuserisai pillugit isornartorsiorniaqinagu.
  • Ajortumik pineqartarnini pillugit pisooqataasutut misigitilerniaqinagu.
  • Arlaatigut qanoq iliuuseqaqqullugu pinngitsaaliniarniaqinagu, naak tamanna ajornakusoorsinnaagaluartoq.  Taasumap nammineq aalajangertussaavaa qaqugukkut ikiortissarsiorniarnerluni imaluunniit qaqugu aappani qimanniarnerlugu.
  • Ajoriniaqinagu imaluunniit aapparisaa annersitsisartoq pillugu nakkarsarniaqinagu. Tamanna ilinnut ikinngutinnullumi ulorianaateqarsinnaavoq