Qanoq iliorlutit qimanniarpiuk?

Ilimanaateqarsinnaasarpoq ulorianaaseqarsinnaasoq aappariinneq timinik anniartitsisarnermik ilaqarsimappat taasumap unitsinniarnissaa. Imaassinnaavoq aappassiarisat kamanniaaluttoq timiminillu atuiniaaluttoq. Taamaattumik aappariinnerni pisimasut toqqammavigalugit kipisitsinnginnerini makku eqqarsaatigilluartariaqarpatit:

  • Toqqissisimanngikkuit taava aappassiat kisimeeqatigalugu qimanniarlugu aalajangiinernik kalerrissanngilat. Ingalasimaniarukku oqarasuaatikkut mailikkulluunniit taamaasiorsinnaavutit, eqqaamajulli: Illit isumannaatsumik inissisimanissat aappassiarpit kissaataanninngaanniit pingaarneruvoq.
  • Toqqarlugu oqarfiginiarukku qimanniarlugu taava inuinnaat orniuffigisartagaanni taamaasiorsinnaavutit. Ikinngutivit ilaquttavilluunniit arlaat paaseqatigiissuteqarfigiuk arlaani qanittunnguamiit sissueqataassasut.
  • Oqariartuutitit naatsunngorlugit paatsoorneqartussaanngitsumik oqaatsigikkit. Imaassinnaavoq aappassiarisat aliatsattoq, tamannali allanngortikkuminaappoq.
  • Isumaqarsimaguit aappassiarisat kamallunilu malersulissagaatsit ikinngutit ilaquttatillu oqaloqatigikkit ikiortiseralugillu. Aappassiarisat ilissinnukarsimassappat taava ammaatissanngilat.
  • Imminut upperigit qamuunalu misigisatit tusaanniakkit. Aappassiarisimasat ersigigukku taava tamatumunnga pissutissaqarsimassaatit.

Ikiortissarsiortariaqarputit aappariinneq anniartitsiffiusoq unitsissimagukku. Taava misigisapilutit suliarissavatit.