Sooruna annersaaniartoqartarpa?

Akuerineqarsinnaanngilluinnarpoq aappassiaq annersarniartaraani. Soorunalimi pissutissaqartoqartaraluarpoq.Aappassiamik anniartitsisarneq pissaaneqarniarnerullunilu nakkutilliiniarneruvoq. Annersaasartorpassuit imminut tatigivallaarneq ajorput. Immaqa isumaqarput inuunertik aquppiarsinnaannagu, ilaatigullu isumaqartarlutik tamanna anigorsinnaagitsik aappassiaminnik aqutsisinnaagunik. Naak tamanna iluaqutaanngikkaluartoq anniartitsisarneq attattuartaraat, ajornartorsiut pillugu inuit allat qisuariaateqarnissaat tikillugu ikiorneqarnissaminnillu sassaagineqarnissamik tungaanut.Annersaasarnerit atugaanerulersinnaanerat inuusuttunut makkununnga ulorianaateqarnerusarpoq:

  • inuusuttut nalusaramikku kamassatik paatsuunnganitillu qanoq allatut annissinnaassanerlugit
  • imigassamik ikiaroorniutinilluunniit atuisuusaramik
  • ikinnguteqaramik aamma annersaasartunik
  • imminnut tatigivallaannginnamik
  • angerlarsimaffimminit tapersersorneqartarpallaarsimanatillu sumiginnagaasimasaramik
  • angerlarsimaffimminni annersaasoqartarnera takusarsimagamikku

Qulaani taaneqartut annersaasinnaanissamut utoqqatsissutaasinnaanngillat. Oqariartuutaannaapput inuusuttut ajornartorsiuteqartut ikiorniarnissaannut suut aallaaviusinnaanersut.